He ara 'drift' hōu mō ngā matenga penehīni i Whangarei

Dean Nathan
  • Te Tai Tokerau

Kahore i tū atu i te nama tahi o te motu a FangaDan hei whakatauira mai i ngā pukenga kua kawea e ia ki te tihi o ngā whakataetae ki tēnei whenua.

He tuatahitanga hoki, nuku atu i te toru rau tangāta i puta ki tēnei hui nō te kitenga i te wāhi pānui ki rungā o Pukamata, me te aha, te tini o ngā kaitaraiwa Māori i āhei ai kia whai wāhi atu ki te kaupapa.

Mai rā anō he tino kāinga tēnei mā ngā mātenga penehīni engāri kua hōhā noa atu ngā iwi o Whangarei ki ngā rongo turituri kei ngā tiriti i te waenganui pō.  Ka hōmaihia e te kaipakihi a Tony Davies tēnei wāhi hei tūāpapa mō te kaupapa.

Ko wai hoki ka mōhio, tēnā pea ka puta mai anō he kīngi i tēnei whakatupuranga.

Nā te nui o te tautoko mō tēnei kaupapa e whakaarohia ana kia tū he "driftkhana" ki konei ia marama.