Hansen names new All Blacks squad 'toughest to pick'

I whakaingoatia te kapa Ōpango ka tākaro atu ki te whakataetae Investec ka whanake hei tēnei marama. E ai ki a kaiako, ki a Steve Hansen i uaua rawa te kōwhiringa mo te kapa, me te pātai ia ko wai ka mahue atu i te waka?

Ina rā te tokomaha o ngā toki whutupōro, nāreira te uaua o te whiriwhiri i te kapa whutupōro kairangi o te ao.

E ai ki a Hansen, ‘Ehara tēnei i te mahi mama, koinei pea te kōwhiringa uaua rawa, nā runga i te maha o ngā kaitākaro pakari. Ka mahue atu ētahi o a mātou nei kaitākaro hou nō ngā whakamātautau i te Hune.’

Ko Damian McKenzie rāua ko Seta Tamanivalu ka whakatahangia i te kapa. Otirā a Charlie Ngatai e mātūtū tonu ana i tōna wharanga mātenga. Ko te pātai nui ma Hansen, ma wai ngā hū rātou e whakakī?

‘Mārakerake kitea ngā pūkenga a Damian, heoi kei hea te tūranga mōna? Me whakatahangia a Ben (Smith) mōna? I piata mai a Israel i te kēmu ka hipa, koia tētahi o ngā mātanga i te ao whutupōro, me whakatahangia i a rānei? Tē taea a Damian te tākaro i ngā parirau, nō reira e kore rawa mo te hūnuku i a Julian (Savea), Waisake (Naholo) rānei’ tā Hansen.

Ki ngā waetīkape, ko ngā toki Māori nei a Dane Coles rāua ko Codie Taylor. Ki ngā poumua ka whai urunga a Joe Moody, ā, i tohua ko Elliot Dixon rāua ko Liam Squire hei poutaha. I eke anō te toa haika nō Ngāti Kahungunu a Israel Dagg, ko te tokotoru a Tawera Kerr-Barlow, TJ Perenara me Aaron Smith ngā poutokomanawa.

Ka whai tūranga pouwaenga hoki a Sonny Bill Williams whai muri i tana hokinga mai i ngā tākaro takiwhitu ki Rio, ka mahue i a Williams i te kēmu tuatahi ki Ahitareiria.

Ahakoa te pai o tōna kapa, kei te noho puku tonu a Hansen. ‘Kīhai mātou kia tākaro i tētahi kēmu mama ki a Awherika ki te Tonga. Ā, tēra hoki a Āketina kua tiputipu haere i roto i te ao whutupōro i ngā tau. Nō reira kaore e kore ka tino wero mātou e rātou i te whīra, ā ka rikarika hoki ngā tukinga.’

Hei tēnei Rāpare ka karahui atu te kapa ki Tāmaki mō ngā rā e rua whakangungu ai. Hei te rua tekau o tēnei marama whanake te kēmu tuatahi ki a Ahitereiria i Poihākena.

Te Kapa Ōpango:

Waetīkape:

Dane Cole (39)

Codie Taylor (5)

Nathan Harris (4)

Poumua:

Wyatt Crockett (48)

Charlie Faumuina (36)

Owen Franks (80)

Joe Moody (14)

Ofa Tu’ungafasi (1)

Kaiwhītiki:

Brodie Retallick (50)

Luke Romano (24)

Patrick Tuipulotu (9)

Samuel Whitelock (75)

Poutaka:

Sam Cane(34)

Elliot Dixon Sutherland (1)

Jerome Kaino (69)

Kieran Read (Captain/ 87)

Ardie Savea (2)

Liam Squire (1)

Poutoko:

Tawera Kerr-Barlow (21)

TJ Perenara (19)

Aaron Smith (50)

Topatahi:

Beauden Barrett (39)

Aaron Cruden (39)

Lima Sopoaga (2)

Kaunuku:

Ryan Crotty (18)

Malakai Fekitoa (15)

George Moala (2)

Sonny Bill Williams (33)

Whurupēke:

Israel Dagg (51)

Waisake Naholo (6)

Julian Savea (43)

Ben Smith (51)