Emirates Team NZ take 3-0 lead over Oracle Team USA

Ahakoa i kōtahi piro ki muri kē rātou e putu ana, i topa noa te rere a te kapa o Aotearoa ki te wikitōria, kia puta ki mua i te hoa riri, ara i te kapa o Amerika i te rangi tuarua o te whakataetae, kia toru ngā toahanga ki te kore.  

Ka whanake nei te rēhi tuatoru, ā ngāwari noa iho te rere a Aotearoa ki te rārāngi, e wha tekau ma iwa hēkona ki mua.

I te rēhi tuawha ka raru te waka a Aotearoa i mua i te rārāngi whanake, heoi ka tere te whakatika a Peter Burling me tōna ope kia kōkiri ki te rārāngi, kia kotahi mēneti me te tekau ma rua hēkona te putanga whakamua.

Ka whakatā ngā kapa hei ngā rā e ono, kātahi ka whanake nei ngā rēhi tuarima me te tuaono. He wā anō mā Amerika ki te whakanikoniko i tā rātou raupapa māhere.