Kaupapa: MMA - Mixed Martial Arts

Ehara i te mea ko tōna pakeke te raru i te ao MMA mā tētahi kaiwhawhai wāhine

E toru rā i mua i tōna huritau rima tekau ka puta te uri o Ngāti Raukawa me Ngāti Kauwhata a Raeleen Simeon ki te kauhanga kakari rau mō te wā tuatahi. Ko te mutunga mai, ko ia te kaiwhawai kakari rau pakeke o Aotearoa.

E whakatīnana ana a Raeleen, ehara mā o tau e tohu i tō āhei ki te hakinakina, ahakoa te uaua o taua hākinakina rā. 

He kaiwhawhai anō hoki tōna hoa whakangungu, arā ko tāna tama, ā, kotahi te mea e whakaae tahi ana rāua.

Ka tū te whawhai e kōrerotia ana hei te pō kakari rau Princesses of Pain 46 a te 21 o Whiringa-a-rangi.