Kaupapa: Rugby

E whakatikatika ana te kapa Ōpango mō te tukinga ki ngā Pūma

Rahia Timutimu

Kei Āketīna te kapa Ōpango e whakatikatika ana mō te tukinga ki te kapa o ngā Pūma hei te paunga o tēnei wiki, ā, he hokinga pea ki te aroaro ā-kapa kei te haere mā te uri Māori ma Aaron Cruden, kua piki te ora nō te wharanga i pā ki tōna pona. 

Kua whakaharatau tahi ia me te kaha, ā, e rīrā ana te tūpono whiwhi ōna ki te poraka nama tekau.  Ahakoa te noho hinga-kore a Aotearoa ki te kapa haukāinga, ko tā te Ōpango ko tā Israel Dagg, tērā tonu ngā korenga hei whakawhanake mā rātou.

Otirā, e pakari ana te hanga o Richie McCaw, ā, ka whakahokia pea ia ki te aroaro ā-kapa ka tuki ki te kapa o Awherika ki te Tonga, whai muri i te wharanga o tōna pona i te tukinga ki a Ahitereiria.  He wawao i te taitara Rugby Championship te whai a te kapa Ōpango, ka whakaingoa ake i tā rātou rārangi kapa hei āpōpō.