E whakarite ana a Waitākere mō ngā Whakataetae Waka Ama-ā-Motu

  • Tāmaki Makaurau

He kotahi wiki kei te toe ki te tīmatanga o te Whakataetae Waka Ama-ā-motu ka tū ki Karapiro. Ki ngā kapa e rua o te karapu o Waitākere, ko te wikitoria mētara te whāinga, whai muri mai i āna ekenga kore i ngā tau kua pahure.

Ko Kia Tere me Waka Tere ngā kapa kua whakangūngū i ngā marama maha ki muri nei, i runga anō i te mōhio, ko tā rātou tau whakamutunga tēnei i te reanga takawaenga.

Nō te hōtoke timata ai ngā whakatikatika a ēnei tamariki, i runga wai, whenua hoki. He mahi i ngā mahi me mahi kia tutuki ai te kapo mētara i ngā whakataetae ā motu i te wāhanga takawaenga.

Ahakoa i eke panuku rātou i te wāhanga taitamariki, kua uaua te whakawhitinga atu ki te wāhanga takawaenga, ā, mahue ana te whiwhi mētara.

Heoi kei te anga whakamua te kapa o Kia Tere, he mākau ki ēnei whakataetae-ā-motu.

Ko Waka Tere te kapa tuarua, he kapa hōu kāre anō kia eke ki ngā whakataetae-ā-motu. He tau nui tēnei ma rātou, 39 ngā kapa takawaenga kua rēhitatia.

Hei te Rātu a tēra wiki whakataetae ai ngā kapa e rua.

Kairīpoata: Rahia Timutimu