Kaupapa: Waka Ama

E whakarite ana te whānau Tere mo te whakataetae Waka Ama ā Motu

Mō ngā tau e rima kua pahure kotahi te titiro o te whanau Tere ki te waka ama i te karapu o Waitākere. Ko Māori Tere te perehitini o te karapū, otira, tokotoru o ana tamariki e whakarite ana mō te whakataetae waka ama a motu ka tū ki Karāpiro hei ngā wiki e rua e haere ake nei.

Ka hoetahi te whānau, ka piritahi hoki te whānau. Heoi he whakataetae kei te haere ki wāenga i ngā tuakana teina.

Hei ta te pāpā a Māori, i ngā tamariki e tipu ake ana he mea uaua ki te hari atu rātou ki ngā hakinakina nā reira i whakaritea he hui mō te whānau kia tipakohia kotahi te hākinakina hei whai atu mā rātou.

He hōtaka pau te kaha ia rangi mā te whanau i a rātou e anga whakamua ana ki te whakataetae, he whakaharatau moata i ngā ata mo te hoetahi kātahi ka rua ka haere ki te taiwhanga o Trusts mō te omaoma, ka toru ka hoki atu anō ki te wai.

Mā hea atu i tēnā.