Kaupapa: Rugby

E whakareri ana te kapa Ōpango Māori mō ngā tukinga e rua i te whenua o Hapani

Rahia Timutimu

Ko te kapa Ōpango Māori tērā kua whakakotahi atu ki Tāmaki Makaurau ki te whakareri mō ngā tukinga e rua i te whenua o Hapani.  I kōrero mai ētahi o rātou i mua i tō rātou rerenga atu hei te pō nei.

Ahakoa he ruarua noaiho ngā haora e kotahi ana te kapa Ōpango Māori, kua ruku tika atu rātou ki ngā mahi whakangungu.

Ko te whakakotahi tuatahi tēnei a te kapa, ā, ka rere atu ki Hapāna hei te pō nei.

Rua tekau mā whitu ngā kaitākaro kei te kapa no te motu whānui, tekau ma rua o rātou he kaitākaro hōu.

Inanahi nei, i whakatahahia ngā kaitākaro e toru, ko te katoa no Tasman, ko te wharanga te take.

No reira kua hou mai a Hayden Triggs me ngā tuakana a Nick rāua ko Mitch Crosswell ki te tira.  Koinei te wā tuatahi mā Mitch ki te kapa Māori.

Ko te tūnga tuatahi hoki tēnei a Charlie Ngātai ki te turanga kāpene, me tana hīkaka kia haere tahi atu.

Hei tēnei Rāhoroi ki Kobe, Hapāna tū ai te tukinga tuatahi mā te kapa Māori.