Kaupapa: Waka Ama

E whakapou kaha ana a Rāhui Pōkeka kia rite ai rātou mo te whakataetae waka ama ā motu

Te Kāea
  • Waikato/Te Waiariki

I a te whakatatae waka ama ā-motu ka tū ki Karapiro e whakatata mai ki tō tātou aroaro, hei tā tētahi o ngā kaiako matua, tā Patrick Tākoko kei te hāere tonu ngā mahi ā ngā manawa piharau nei, a ēnei kaihoe o te karapu waka o Rāhui Pōkeka.

“Ko tēnei te roto o Puketirini. He wāhi keri tēnei I ngā wā o mua, engari he wahi tino pai ki te whakakori rātou, tātou I ngā mahi hoe me ngā mahi Waka Ama.”

I a te ika-a-whiro e anga atu ana ki ngā tauwhainga ā-motu, e kore rawa ia e wareware ki ngā ara moana i whakairohia te mata o te whenua, i whakairohia hoki te mata o tana ngākau.

Ka takatū ngātahi atu te tira o Rāhui Pōkeka me te maha noa atu e puta ake rā ki runga o Karapiro mō te whakatatae waka ama ā-motu, ka tū hei te ngāhuru mā toru o Kohitātea ā tērā tau.