E whakanui ana a Taniwharau i tōna tau whitu tekau

Rahia Timutimu
  • Waikato/Te Waiariki

Hei whakanui i ngā tau whitu tekau o te karapu rīki o Taniwharau, i whakatū te karapu i tētahi whakataetae Toa o ngā Toa ki Rāhui Pōkeka, i reira karapinepine ai ngā kapa toa o ngā rohe e whā o te Ika a Maui.

Mai i wīwī me wāwā, whakarauika atu ai te iwi rīki ki Rāhui Pōkeka i ngā rā whakangā kua taha ake nei. He kaupapa i whakaritea hei whakamana i te tū kaha o taua karapū mo ngā tau whitu tekau.

A ai ki a Te Aorere Pewhairangi o te karapu, Pt Chev Pirates, “he rawe te rangi nei, he rawe ki te haramai ki konei ki Kirikiriroa ki te takaro riiki. Kei te whiti te rā me pehea kē atu?”

I  tae mai ngā toa o ngā rohe e whā ki te tākaro ki te tōnamana kotahi rā te roa ki te whakanui i te kaupapa o Taniwharau.

Haere atu ai ngā toa o Tāmaki Makaurau a Point Chev Pirates, o Te Waiariki a Pacific Sharks, o Taranaki a Waitara Bears ki o Waikato toa a Taniwharau ki te huataki ake i ö rātou tau täkaro.

E ai ki te kaiwhakahaere o te kaupapa ki a Harley Raihe, “ko te wawata ka pēnei ia tau, kāre e kore hīkaka ana te ngākau o ngā tama ki te takaro i te rā nei.”

Turakina a Taniwharau e ngā Pacific Sharks i te tukinga tuatahi o te tauwhāinga.

A, ko Pt Chev Pirates i toa ki a Waitara, kia tutaki ai ki ngā Sharks i te whiringa toa.

I te otinga ake, he pakari rawa nō ngā Pirates ka wikitōria i a rātou te tuatahi o te tauwhainga i waenga i ēnei kapa e whā.

Arā kē ngā kaupapa a Taniwharau hei whakanui i tōna whitu tekau tau a tēra marama, hei kīnaki i tētahi toahanga taitara anō ki Waicoa a tēnei tau.