E whakanui ana a Taniwharau i tōna huritau whitu tekau

Rahia Timutimu

Mō ngā tau kua tū te karapu riiki a Taniwharau ki te taumata hiranga o te riiki ki te rohe o Waikato, ā i tēnei tau whakanui āna uri i ngā tau whitu tekau.

Kua whakaputa te karapu nō Rāhui Pōkeka i ētahi o ngā kaitākaro toa o te motu, mai i Lance Hohaia raatou ko Louis Anderson, ko Herewini Rangi, ko Wairangi Koopu mā.

I ngā tau whitu tekau ki te waru tekau, kapo ai te karapu nei i ngā taitara karapīpiti tekau mā tahi. I wikitoria hoki a Taniwharau i te taitara tuatahi a Waicoa i te tau rua mano ma rua, te tau rua mano mā whitu hoki.

Kāre e kore koinei te karapu angitū rawa o Waikato i tēra tau, i eke ai e rima o a ratou kapa ki ngā whiringa toa e whitu. Kua eke anō hoki te kapa tuatahi o Taniwharau ki ngā whiringa toa maha i ngā tau kua taha ake nei.

Ka mutu, ko tētahi take ka eke te karapu nei, ko te tautoko o te hapori ia tau. A, marama ana te kite i ngā hua o te angitu. Kare e kore, ka kitea tonutia te karapu nei i ngā tekau tau e hāere ake nei.