E whakakotahi ana te tōnamana Ngā Hau e Whā i a ngai Māori kei Ahitereiria

Ia tau ka whakakotahi te hapori Māori ki NSW kia tautoko ai, kia takaro hoki ai i te whakataetae riiki Māori e kiia nei ko "Nga Hau e Wha".

Ā, pera ano i tenei tau, i puta ano ngā kapa e whā o Te Raki, Te Tonga, Te Tairāwhiti me Te Hauāuru ki te mura o te ahi, ā, ahakoa ko te riiki te take i huitahi ai ngā tāngata ko te whakawhanaungatanga te tino pāinga.

Powhiritia ai nga kapa katoa ki te papatakaro i te whakapuakitanga o te whakataetae riiki nei.

Heoi whai muri i tēra, i aro katoa nga kaitakaro ki a ratou mahi, a ko Te Raki te kapa makau, te kaipupuri o te taonga nei, na reira na ratou ano te tauwhainga i whakatuwhera, i te tukinga atu ki te kapa no te Tonga.

Ahakoa i whai piro a  Tonga i te tuatahi, kahore i taea te turaki atu i Te Raki, e rima nga piro a TeRaki ki ta Tonga kotahi.

Mo nga kaitakaro pakeke, he hokinga anö tënei ki te papa rīki, engari kē mo ngā mea rangatahi, he ara tënei ki tua.

Heoi ehara i te mea nā te riiki noaiho te marea i whakangahau.

Ko tā te kaiwhakahaere ko Tom Mitchel kua piki ake te nui o ngā toa iti kei te whai wāhi ki te kaupapa, a te reka rawa o te kai kei hokonatia e rātou.

Ko tā Evelyn Toki o Ngāti Porou he kaupapa pai ano taua whakataetae hei whakakotahi i ngā whānau Māori ki te whakamana i ā rātou pukenga ki te whakarangatira hoki i a rātou ano.

Ā mārama pūahoaho ana te kite, e tenatena ana te taura o te whanaungatanga me te rīki ki Poihākena.