E whāia atu ana ngā Talo i te pae tawhiti

Te Kāea

Kua hunuku tētahi tūākana teina Māori ki Aotearoa i tō rāua tamarikitanga, hēoi, kei te pupuru tonu ki ō rāua hononga ki kōnei.

Nō nā noa nei, tonoa mai ai a Jamal Talo (18) rāua ko Latrell Talo (17) o Ngāti Pōrou me Samoa ki te whakangūngū tahi me te kapa Breakers.

Kei Poipiripi rāua e noho ana, ā, i tēnei wa kei te whakangūngū ki te Andrew Bogut Academy, nā whai anō rā te kōtiti atu a tēnei tokorua nei ki te wākainga kia kitea mai ai ō rāua pūkenga e ngā kaiako o te kainga nei.

Ā tōna wā pea tēnei moemoea tutuki ai i runga anō i ngā whakamātautau mō te kapa poitūkohu o Aotearoa he rua tekau tau te pakeke heke iho, ā, ko te whakamātautau mō Latrell tērā e haere ake nei.

Hēoi, kei te pātōtō mai ngā whare wānanga Amerika i ō raua kuaha, me te mea anō hoki, ko ngā karahipi tā rātou e horahia ake ana.

Te hanga nei, ko te ao kei te kapu o ā rāua ringaringa.