Kaupapa: Health

E whaia ana te kaupapa nakawhiti Zuu e ngā pononga Māori hōu

updated Wikitōria Day
  • Tāmaki Makaurau

Ko te tūmomo whakangungu e kīa nei ko Zuu kei te tere horapa ki ngā pito maha o Aotearoa.

He tūmomo hākinakina rerekē, inā rā ko ōna nekehanga i ahu mai i ngā kararehe. I tae ake a Te Kāea ki tētahi o ōna whakangungu i te ata ki te kōrero ki ētahi o ōna pia Māori.

Kei pōhēhē he mahi kai paraoa noa iho tēnei.

He pekanga kotahi noa tēnei o Zuu ki Tāmaki nei. Hei tā te kaiako a David Cordtz, ka taea e te katoa, ahakoa te pakeke. 

I takea mai a Zuu i Ahitereiria, heoi, i tōna rewanga ki Aotearoa, he nui te hunga i rata ki te mahi nei, ko ētahi he Māori. 

Ākene he uaua ngā mahi Zuu ki te kanohi tauhou, engari arā te whakapono ka māmā ake a tōna wā. 

Mā ngā mea whakaaweawe pēnei i a David e whānui ake ai te hunga ka whakamātau i tēnei tūmomo mahi huri i te motu.