E whai hāere ana a Talia Waaka i ngā tapuwae mekemeke o tōna whāea

Tamati Tiananga

E whakaaro ana a Talia Waaka, te tamāhine a te toa wāhine o Aotearoa, Daniella Smith, ki te whai atu i ngā tapuwae o tōna whāea ki ngā ikeikenga o te ao mekemeke whai utunga i tēnei tau. Hei tērā wiki, ka puta anō a Talia ki te mura o te ahi mekemeke rangatōpū mō te wā tuatoru.

Ko te manako nui a Talia Waaaka kia puta kaha hei kaiwhawhai whai utunga a tōna wā. Ko tāna ahakoa he tūmanako tā te maha noa mōna ko tōna whāinga tuatahi “kia mahia te mahi mo tōna whāea” tu ātu kia tutuki i tōna ake whāinga hoki.

Heoi tuatahi he whakatangetange riaka te mahi i te taumata mekemeke rangatōpū.

He rite tōna hanga whawhai ki tō tōna whaea ara te hanga whawhai orthodox, mai ano te toa o mua o te tātua IBF Wahine welterweight o te ao a Smith e whawhai ana hei Othodox me te aha, ko tana tamāhine tēra e whai atu ana i a ia.

Ka whakaakona a Talia e te kaiako rongonui nei no Aotearoa a Chris Martin, ko Martin i whakaako ia David Tua i ngā tau ki muri nei.

Ko tā Chris, “ he nui ngā pukenga kua whakatōngia e te whaea o Talia ki roto i a ia, he pai tōna nekeneke hāere, e mohio pū ana ia ki ngā tikanga o te whawhai, tu ātu he kaha rawa āna mekemeke.”

Ka tu hoariri atu a Talia ki te toki Māori nei a Soma Ropata, he rua tekau tau tōna pakeke.