Kaupapa: Rugby

E whai ana a Vito i te pae tawhiti kia tata

  • Te Whanganui-ā-Tara

Ko Victor Vito tētahi o ngā kaitākaro i mahue mai i te Kapa Ōpango i tēnei tau, heoi kei reira tonu te hiahia kia piki anō ai ki tērā taumata, kia tākaro anō ai mā ngā Ōpango.

Heoi, haunga rā tērā whāinga ōna, kei te arotahi atu a Victor ki te tukinga o tana kapa ITM, arā ngā Raiona nō Pōneke mō tā rātou tukinga ki a Taranaki ki Ngamotu a te pō nei.