E whai ana te tira Wāhine Kabaddi o Aōtearoa i te Taitara Toa o te Aō

Kua tae mai ano te powhiri ki te Kapa Kābaddi Wāhine o Aotearoa, kia hoki atu ki Inia i tēnei tau, me te tino harikoa a ngā kaitākaro, ngā kaiwhakahaere, me ngā kaitautoko hoki.

Hei tā Riripeti Motu, “Ko to tatou tīma, pai ki te humarie, te ngākau mahaki, me te kaha noa ki tēnei kēmu, te puta i te kaha, te ihi i runga i tēna whīra te porowhita rā, ae tino waimaria tatou katoa.”

He kanohi hōu kei waenga i te Kapa i tēnei tau, heoi tua atu i te miharotanga o te karore ki whenua tāwāhi, tera te koingo nui kei ngā ngākau o te katoa, kāore i kō atu, kāore i kō mai, ko te whakahoki mai i te Ipu o te Ao me te taitara Toa o te Ao.

Ko te whakataetae tuarima tēnei mo te Kābaddi Ipu o te Ao ka tū mai te ono ki te rua tekau o Hakihea, ā i tua atu i te Kapa Tāne no Inia ko ngā kapa tāne no Pakistan.

Āketīna, Amerika, te UK, Kōtirana, Kānata, Sierra Leone, Pāniora, Kēnia, me Denmark, ā ko ngā Kapa Wāhine no Pakistan, Kēnia, te UK, Māreihia, Denmark, Mehiko, Aotearoa me Inia.