E warea ana a Pero Cameron mō te orangatonutanga o ngā Tall Blacks

Kei te māharahara te toa poitūkohu ō-mua nei, a Pero Cameron nō Ngāpuhi, mō te orangatonutanga o te kapa poitūkohu matua o Aotearoa, arā, Ngā Pango Tāroaroa, nā te iti rawa o te pūtea tautoko e haere ana ki a rātou.

Kei te noho kore moni te Rōpū Poitūkohu o Aotearoa whai muri i te pānuitanga mai a te umanga Hākinakina Aotearoa i tērā marama, ka kore e tautoko ā-pūtea i te kapa Pango Tāroaroa i tēnei tau. 

He kaiako tuarua a Cameron mā te kapa Tall Blacks i tēnei wā, ā, hei tāna, ka kore tana kapa e angitū ki te kore he pūtea hei whakatū mahere e tākaro ai rātou ki ētahi atu kapa matua o te ao.

Kairīpoata:  Paora Mikkelson