Kaupapa: Rugby League

E tipu ana te whutupōro rīki ki waenga i te rangatahi

Mere McLean
  • Waikato/Te Waiariki

I tū te whakataetae rangatahi whutupōro rīki ki Rotorua i ēnei rangi whakatā. Toru tekau ngā tīma i rēhita mai, kua piki ake tērā tatau mai te tau ka huri, rua tekau ngā tima i rēhina mai, i pēnei na runga i te whakauruhanga i tētāhi wāhanga mo ngā kōtiro kei raro iho i te tekau mā whitu tau.

Kei te piki ake te hunga rangatahi Māori kei raro iho i te tekau mā whitu tau ki roto i ngā mahi o te whutupōro rīki. Hei tā Joanna Wynyard, “he tōnamana nui tēnei mo ngā tamariki Māori, koinei anake te tonamane mo te hunga kei raro iho i te tekau mā whitu tau, ā, koinei to mātou tau tuarua ki roto i tēnei tonamana he nui ngā ara kei te whakatūwherahia e Whutupōro Rīki Māori. Koinei te wā tuatahi kua uru a Anahera Campbell ki roto i tēnei tonamana mo Waikato.

He pūkenga ōna ki roto i te hākinakina, whutupōro hoki, nō te tau ō mua i huri mai ia ki te whutupōro rīki. “Ko te take kua panoni au ki tēnei kēmu kia kore e noho ki te kainga ki te mātaki pouakawhakaata kia whakarite i taku tinana, kia kāua e pērā atu ki te ngēngē ia rā”. Ēhara i te mea ko ngā rangatahi noa iho ka tau mai ki ngā tōnamana pēnei. Ka riro ki a Dary Pirini hei tohu i ngā kaitākaro mo te whakataetae rangatahi Pasifika hei te tau e tū mai nei. “Kārekau he tikanga ōkawa ko te mahi nui me kaha rātou ki roto i o rātou tūnga hei kanohi ki roto i ngā tōnamana kei mua i a tātau”. Nā ēnei tōnamana kei te tipu ngā whetu maiangi ō roto i te whutupōro rīki mo āpōpō.

“Te nui, māia ko te tūmanako ka pai ake rātou hei kaitākaro whutupōro rīki i roto i ngā ara kei mua i a rātou”. Ko te whakataetae nui kei mua i te aroaro o ngā Māori o te whutupōro rīki o Aotearoa ko te tōnamana mo ngā tamariki kei raro iho i te tekau me te tekau mā rua tau ki Taranaki hei te rua tekau mā rua o Māhuru.