E takatū ana a Riini Apo mō ngā taumāhekeheke MMA o te ao

Mere McLean
  • Waikato/Te Waiariki

Ko te maruāpō ō Riini Apo kua tutuki.

He kaiwhawhai MMA runaruna noa te uri Māori nei nō Te Whānau a Apanui me Ngāti Maniapoto, ā, koia tētahi o ngā kai-whawhai tokoono o Aotearoa ka whakawhiti atu ki Las Vegas hei te paunga o tēnei marama, ki te whawhai i roto i te tuatahi o ngā whakataetae o te ao a te Whetereihana MMA o te Ao.

Hāneanea ana Riini Apo i tēnei pō, he awhina i ōna hoa mema o tōna karapū ki Rotorua tāna mahi.

Engari, ko ia tētahi o ngā kaiwhawhai MMA tokoono o Aotearoa kua tohua kia whawhai ki Las Vegas hei te mutunga o Pīpiri, ahakoa rua tekau mā rua tau tōna pakeke.

He kaiwhawhai ringarapa kua tohua hei māngai ki tāwāhi i te wiki ka huri, he rongo i pā mai mā te karere wāea pūkoro.

Atu i te tau rua mano, tekau mā rua kua noho a Riini Apo ki tēnei karapū, na tōna tuakana ia i tono kia uru.

Ka tū te tuatahi o ngā whakataetae o te ao a te Whetereihana MMA o te ao hei te mutunga o tēnei mārama ki Las Vegas, ka rere a Riini Apo ki tāwāhi hei te rua tekau ma whitu.