Kaupapa: Boxing

E rikarika ana te motu whānui ki te mātakitaki i te whawhai i waenga ia Spencer raua ko Betham

updated Tamati Tiananga
  • Waikato/Te Waiariki

E rikarika ana a Carlos Spencer ki tana whawhai whai utu e kainamu mai nei ki a Monty Betham paku, i te hui kohi pūtea o Fight For Life.

E toru tekau mā rima ngā tukinga whutupaoro a te uri nei o Kahungunu mā te kapa Ōpango, e whakapeto ngoi ana ināianei kia eke ki ngā taumata o hākinakina kē.

E ai ki a Carlos Spencer kāore ia i kuhu hāneanea noa ki te whawhai nei.

E mōhiotia whānuitia a Carlos mo tōna pūkenga i te tākaro whutupōro 

He momo anō a Monty i te tākaro rīki i tahuri atu ki ngā mahi mekemeke. E rima katoa ana wikitoria, kotahi anake te hinganga ki te kaimeke o mua a Shane Cameron.

Ko Spencer te kaiako matua o te kapa Southern Kings i rangatira te whawhai i tētahi Fight for Life ki muri nei, ki a Awen Guttenbeil, kaitākaro Warrior o mua me te Kiwi o mua a Jarrod McCracken.

Hēoi kua kaha te hihiri i a Monty mō te Rāhoroi me te mōhio, koia te rā whānau o tana tama, e waru tau te pakeke.