Kua arahina rā te kapa whutupōro ipu Mitre 10 o Tāmaki Makaurau e Akira rāua ko Rieko Ioane o Ngāpuhi me Te Whānau a Apanui ki tā rātou toahanga nui whakaharahara ki runga i a Murihiku ināpō i Waihōpai, rima tekau mā tahi ki te tekau mā ono.
E whā ngā piro tōmuri a te kapa manuhiri e puta rawa ai tā rātou ihu ki runga i te kapa hau kāinga. Kāore he paku aha tahi ki a Akira Ioane, he whāngai i a Pryor Collier mō tēnei tētahi o ngā piro taiea rawa o te tau
Hei tā te poumua a Akira, “Good to be back with the boys and getting 15s under my belt, haven’t been back in a while so just taking every opportunity.”
Koia hoki rā! Ehara i te mea ko te tuakana nahe anō e tōngakingaki nei. E rua ngā whakawhitinga i te rārangi piro a Rieko Ioane i te tūrakihanga nui rawa atu a Tāmaki i a Murihiku ināpō i Waihōpai, rima tekau mā tahi ki te tekau mā ono. Heoi anō, nā ngā mahere ārai kē rātou i eke panuku ai.
E ai ki te topatahi a Rieko, “We've worked on it a lot at training and coming from last week we knew that we've slipped off a few tackles. It's been a real focus just making our first up hits, just making sure they're low and hard”
Engari rā, ehara i te mea i hapa kore te kapa o Tāmaki. Ā, i ētahi taima pakaru ake ai te riri i waenga i ngā kapa e rua. Nā te piro a te hāwhepēke Stags, a Jimmy Cowan mo Murihiku.
“The boys up front did the hard yards and full credit to them and I think that's why we got the win today, the tight five did well and the loosies,” hei tā Akira.
Inā rā hoki e ono ngā piro ki te piro kotahi a Murihiku. I mahi ngātahi ngā parata o Ngāti Ruanui a Simon rāua ko Jono Hickey mō ngā piro rua tekau mā tahi mā te pūtu
E ai ki te topapu a Simon Hickey, “Quite a few 50/50s which hit the deck or got intercepted and I was guilty of that as well but if we can build phases and it was good to see us break them down towards the end.”
Hautoanga hanga tōmuri nei nā te kapa manuhiri i kitea ai e whā ngā piro i ngā mīneti tekau whakamutunga o te tākaro, kia tino nui ake ai te āputa
“Yeah the boys did well to fight back in the second half and just happy we went the full 80 this time, and not 60 or 70,” hei tā Akira.
Āe marika he hurihanga poto tā ngā parata Ioane me Tāmaki Makaurau, ka tākaro ki Te Matau a Māui hei te Wēnerei e kainamu mai nei.