Kaupapa: Netball

E piki ake ana ngā kapa poitarawhiti kei rō whare

Rahia Timutimu

He pakari ngā kapa katoa huri noa i te whakataetae karapu a motu o Aotearoa, ā, kotahi noaiho te whāinga, ko te eke hei toa ā-motu.

Hei tā Kory Dean Wirihana nō Ngāti Tūwharetoa me Ngāti Maniapoto “Kua pikia ke te taumata o te whakataetae nei, maha nga tima kua tae mai ki te pakanga ki mua i te aroaro”.

Tahi mano neke atu te tokomaha o ngā kaitākaro nō te motu whānui kua whakarauika atu ki Tāmaki Makaurau mō tēnei tauwhainga, waru tekau mā waru ngā kapa, ā, kei ia kapa ngā kaitākaro tekau mā rua.

“Maha ngā rangatahi nga pakeke i roto i tō matou tima, ko te hiahia kia whakauru o māstou kapa ki ngā kapa o Aotearoa,” hei tā Wirihana.

Mai i ngā tau iwa tekau kua tū te whakataetae nei, ā, i tēnei tau kua rēhitatia e ngā kapa waru tekau mā waru ki te whakataetae, he tohu kei te piki ake ngā nama.

Ko Inzone nō Kirikiriroa ngā toa whakaihuwaka o te wāhanga ika ā whiro hanumi mō ngā tau e rua karapīpiti, me te hiahia kia wikitōria i tā rātou tuatoru.

Hei te rua rā whakahaerehia ai te whakataetae nei, hei te Rātapu tū ai ngā whiringa toa.