E ngākau hihiko ana ngā Tall Blacks

James Perry

E whakangūngū ana te kapa Tall Blacks mō ngā kēmū whakauru mō te Ipu o te Ao kia Hong Kong me Haina hei te wiki e tū mai nei. 

E pakaru ana ngā kerekere o te kapa Tall Blacks. He mea whakaharikoa i te kaiako, i a Paul Henare. Hei tāna, ko te māia. me te ngākau hihiko o āna kaitakaro tētahi o ngā mea pārekareka ki a ia. Ka mutu, e wehi anō ia ki te pukumahi o te kapa i te Whanganui ā Tara.

He rangatahi tonu te āhua o te kapa. Kei te kura tonu ētahi, ā, kua pāngia tō rātou matangareka ki ngā ika ā-Whiro, pēnei kia Mika Vukona. He 36 te pakeke o Vukona, me tāna e kī nei, kua kawea mai e ngā rangatahi nei i tētahi momo ngao, e kai nei e ia.

E tautoko ana a Henare, hei tāna, kua whai hua ngā ika-ā-Whiro nei i te urutanga atu o te hunga Taiohi.

I puta te ihu o ngā Tall Blacks i ngā tukinga tuatahi ki a Hong Kong me Haina. Hēoi, e matapae ana a Rob Lowe, ka pakari ake ngā kapa nei ā tērā wiki.
GRAB - ROB LOWE
China's obviously a real powerhouse in basketball and they've got great players and great squad so it'll be a challenge for us against them and then Hong Kong we had a good game against them in Hong Kong so they'll be looking out to do better, and we're exited for the challenge. So it'll be fun.

Mā Whakaata Māori ngā kēmu e whakapāoho atu, timata ana kia Hong Kong i Rotorua hei tērā Rāpare.

Ka tuki ngā Tall Blacks kia Hong Kong hei te Rāpare rā anō ki Rotorua, i mua i te tukinga ki a Haina hei te Rātapu whai muri atu i ngā kēmu whakahoki o te rāuna tuatahi o ngā kēmu whakauru Āhia ki te Ipu o te Ao. Nō te Whiringa-ā-Rangi i turaki a Hong Kong e ngā Tall Blacks, 133-74, hēoi e matapae ana a Rob Lowe ka pakari ake a Hong Kong. I puta anō hoki te ihu o Aotearoa i Haina i te marama o Hui Tānguru 82-73 engari ka kore a Henare e ohorere mehema ka rerekē te āhua o te kapa o Haina. Hei tā Lowe anō, kī ana a Haina i te toki poitūkohu, he wero nui, hēoi e kipakipa tonu ana.

Hei te Rāpare te kēmu kia Hong Kong ka tū ki Rotorua, kātahi ka hūnuku ki Tāmaki Mākaurau hei te Rātapu. Kei ā Whakaata Māori te whakapāohotanga o ngā kēmu e rua.