Kaupapa: Rugby League

E maumahara tonu ana a Glenora Bears ki tā rātou tamaiti, ki a Luke Tipene

Rukuwai Tipene-Allen

E rua o ngā tino o te whutu rīki i tāmaki i tuki rae ki te rae ki te kohi pūtea mā ngā reanga e tupu mai ana.
I wero atu a Glenora bears ki Howick Hornets i te rā nei ki te kāinga o ngā bears mō te kēmu koha ā-tau a Glenora.
Hei tā te kaiwhakahaere, hei tā Aaron Colon, he nui ake tēnei i te kēmu noa, i te kohi pūtea noa, he rau mahara.

He nui ngā tukituki, ngā omanga anō hoki, mō te kaupapa nui te take.
He tukinga rae ki te rae o ngā tino i te kēmu koha ā-tau ki Glenora. Ko te maumahara ka mutu ki te kohi pūtea mō te tarahiti o Luke Tipene te aronga matua. 

Hei tā Conlon, 'ko tā te tarahiti he tautoko i ngā i ngā tāngata pēnā i a tō Luke māmā, he takakau ka mutu he nui ngā pūmanawa ō ana tamariki. He nui tonu te utu i ētahi o ngā nama ā tae atu ki ngā taumata heoi. Ko te tautoko i a rātou te whai.'

He tukinga rae ki te rae o ngā tino i te kēmu koha ā-tau ki Glenora. Ko te maumahara ka mutu ki te kohi pūtea mō te tarahiti o Luke Tipene te aronga matua.

E rongo tonu ana te whānau i te tautoko kia eke ai ngā rangatahi puta noa ki ngā taumata tiketike.

Hei tā te tuahine o Luke, hei tā Waikeri Wilson, 'harikoa taku ngākau nā te mea he nui ngā tāngata kei te haere mai ki te tautoko i a Luke nā reira he harikoa tērā ki ahau.'

Ka tū he pō hokohoko ki Glenora kia hoko atu i te hāte motuhake ka mutu ko ngā pūtea katoa ka tōtika ki te tarahiti.