Kaupapa: Rugby

E mārama kehokeho ana a Akira Ioane he wero nui kei mua i tōna aroaro

  • Tāmaki Makaurau

Ko ia te poumua taiea o te whakataetae ipu ITM i tēnei tau, heoi e mārama kehokeho ana a Akira Ioane, he taniwha weriweri e tatari mai ana i te whiringa toa ipu ITM ki a Waitaha.

Kua waru tau a Akira Ioane e tatari ana kia rongo i te wainene o Wikitōria ki tētahi kapa o Waitaha. Ā, ka noho ihumanea tonu te tauira ō mua o te kāreti o AGS ki te huri koaro i te hinganga rauna tuatoru ki te kapa o Waitaha tonu, hei te Rāhoroi.

Kāore i te pērā mō tana teina, mō Rieko. Rawa anō kia tino tūturu tana noho ki te kapa i tēnei tau - ā, kei te ū tonu te kaiako matua a Paul Feeney ki ana ika-ā-Whiro.

Te whāinga nui - whakahokia te mana nui ki roto o Tāmaki Makaurau. Ka wehe atu te kapa manuhiri nei ki Ōtautahi hei āpōpō.