Kaupapa: Rugby

E kaha whanake ana te tākaro whutupōro mā ngā wāhine ki Te Waiariki

Mere McLean
  • Waikato/Te Waiariki

He whakataetae i tū ki Rotorua i tēnei rangi hei whakamahana i ngā kapa wāhine o Te Waiariki.

Ko te whāinga matua kia whakatakoto i te taumata mō te rohe i mua tonu i te tīmatanga o te whakataetae whutupōro wāhine, ka tū hei tērā wiki.

E whakatairangahia ana te hākinakina whutupōro wāhine i te rohe o Te Waiariki. 

E waru ngā kapa kei tēnei tōnamana ka whai wāhi hoki rātou ki roto i te whakataetae nui.

I tēnei tau ko ngā kapa, ko Arataki, ko rātou ngā whakaihuwaka o tērā tau. Āpiti atu, ko Tauranga Sports, Rotoiti, Waikite, Ngongotaha, Te Whānau a Apanui, Waimana me Tokoroa.  

Ka tīmata te whakataetae nui mō ngā wāhine hei tērā wiki.