E kaha rata atu ana a ngai Māori ki te hākinakina Crossfit

Koia nei te hākinakina e kīa nei ko te Crossfit, he tākaro e tino wero ana i te tinana, te wairua me te hinengaro, kia kake ki taumata kē, kia pare atu i te mamae ki rahaki, engari hei te otinga ko te oranga me te wikitoria te mea nui.

I enei rā whakatā i timata ngā tauwhainga Crossfit Games o Aotearoa ki te Matau a Maui, a kei te pae tata mo te hunga whakaheke tōtā ko ngā whakataetae a rohe o Aotearoa me Ahitereiria, ā ko ngā whakataetae o te ao kei te pae kōkēi.

I roto i ngā wiki e rima, ka tū enei whakataetae Crossfit Games i waenga i ngā tiima huri noa te ao, ehia manomano tāngata e pakanga ana mō te taitara toa o te ao, akene pea ka kitea he kanohi Māori ki taua taumata.