E kaha piata mai te mana o Nehe Milner-Skudder

He nui ngā kaihākinakina kua eke i tēnei tau, ko tētahi o rātou ko Nehe Milner-Skudder nō Ngāti Porou me Tapuika. I tipu ake ia ki Te Papaieoa, a, ko te whutupōro tōna ao.

Ko ōna moemoeā kia tākaro i te whutupōro whai utu me te mau i te poraka pango. I tēnei tau kua tutuki i a ia.

Hei tā Skudder, “A highlight was just getting out on the field and stay injury free and string a few games together.”

Hei muri i ana mahi rangatira i te kapa Turbos i tipakohia ia mō te kapa Ōpango Māori i hāere ki Hapāna, e rua ana piro i ngā whakamātautau e rua ki reira, ā, kua whiriwhiria hoki ia hei kaitākaro ITM o te tau i ngā tohu whutuporo o Aotearoa ka tū ki Tāmaki Makaurau āpōpō.

“To be nominated in the same category as Seta and Shane Christie who have had outstanding seasons I was pretty blown away to have been nominated,” says Skudder.

Kātahi anō a Nehe ka hoki mai i tana whakatā whai muri i te haerenga a te kapa Ōpango Māori, ā, kua rite ia mō tana tau tuatahi hei kaitākaro Super 15 tūturu i te kapa Hurricanes.

Heoi hei te pō āpōpō ka whakarerea tēnei mahi whakapau werawera ka mau kē i a Nehe tana hūtū mō ngā tohu whutupōro nei.

Mena he tohu tēnei tau, ka kake anō a Nehe ki runga.