E kaha pīata mai ana te mana o ngāi Māori ki ngā mahi whakawhena uaua

Tamati Tiananga

Kia hoki te titiro ki ngā kaupapa nui i hua ake i te ao hākinakina Māori i tenei tau. Ā ko tētahi o ngā kaupapa nui ko te pūrongo a Tamati Tiananga i ā ia e whai hāere ana i ngā kaiwhakataetae Māori o te tauwhāinga whakawhena uaua NZIFBB.

Ko te tākaro whakawhena uaua he tākaro whakaine uaua, he tākaro hangarite uaua, he tākaro ōwehenga uaua hoki

Mō te tangata, he tākaro whakatipu uaua ki a pākaua te tinana ka mutu, e hia kē nei ngā haora e whakaheke tōhau ana te tangata e hiki maitai ana i te whare oranga.

E rikarika ana te hunga whakawhena uauau, ko tā Tiare Tawera o Tuhoe, ara noa atu ngā aupikinga me ngā auhekenga i a ia e takahia ana te ara ki te taumata, he kaupapa i timata he rima tau ki muri nei

Ko tā Tiare, “kia mohio pū te tangata ko te mea matua o te mahi nei ehara ko te kai, koira te mea matua whitu tekau pae heneti e hanga pū ana ki te kai, na reira me tika te kai i te tuatahi kātahi koe ka haere ki te hiki maitai ki te tika ēra āhuatanga ka taea e koe ka eke koe ki roto i enei mahi.”

I te rua mano tekau i hua ake ko tenei hai mahi mo tana oranga, ko te ihu manea taiohi nei o te hōtaka whakahirahira rawa reo Māori o Pukana te whakatauirangata mo te hunga mātātāhi, engari na tana kore whai i ngā mahi hauora ka puta te whakatau ki te whai i te ao whakapakari tinana kia tu hei tauira mo tana tamahine a Owairea Tawera.

Ka hoki mahara a Tiare ki te tau rua mano ngahuru ma tahi i te huinga whakataetae NABBA, he tuarua tana turanga  i te whakataetae a rohe mo te wahanga tauhou mo te reanga whitu tekau kiro karamu, he tuarua hoki i te whakataetae a motu.

Heoi ka pau te toru a ia e whakaporoti whirikoka ana ka wikitoria i te wahanga waru tekau ki te iwa tekau kirokaramu mō te wahanga tauhou i te tauwhāinga ā rohe NZIFBB o Waikato kā mutu, ka whai urunga ki te whakataetae o te motu.      

Hei tā Tiare,”Kua noho wahangū ahau i tēnei wā I te mea, kātahi ko te āhuatanga ohorere ko tenei, ko te hiahia ki a haere noa ahau ki te whakataetae a motu ki a riro i au tenei turanga te turanga tuatahi ka kite koe nga kaiwhakataetae ko au te mea iti o nga mea katoa.”

E ai ki ngā kaiwhakawhena uaua whai utu no te whanau O'Malley a Teina raua ko Kenny ma te ako i o ratou koretau e angitu ai te tangata. 

Ko tā Kenny O'Malley, “He tika me mihi, he pai ki te kite I atu tokomaha nga maori e uru atu ana ki tenei tumomo hakinakina noreira I te mutunga o te ra kua toa te iwi Māori.”

Kō Janna O'Malley no Tainui tētahi atu Māori e kaha pīata mai i tēnei hākinakna.

“Me kī he mōkai ahau nō Ngāti Raukawa ki wharepuhunga me Te Atihaunui a Paparangi kua tae mai au i tenei ra ki te tu ki runga i tērā atamira me kī rereke rawa atu mō tēnei na .”

Otira mo te hunga i toa, ko te mahi he whakarite mo te taumāhekeheke Arnold Classic ki Ahitereria a tērā tau.