E hia mano te hunga i whai wāhi ki te whakataetae Iron Māori

Aroha Treacher

I takoto te mānuka mo te mano o ngā kaiwhakataetae i te whakataetae Iron Māori, ahakoa he kāpuapua i te rangi, i te piata mai te rangi mo rätou i kaha whakangungu mo tēnei rā.

I tīmata ngā kaiuru me te kaihoe rua kiromita te tawhiti, ko ētahi i tere, ko ētahi anō i āta haere.

Katahi, ko te whakawhiti ki te pahikara iwa tekau kiromita te tawhiti,me te aha, ko ētahi o ngā kaihoe i whakaputa te katoa o ā rātou kaha i te wai.

A, i ētahi e whakapaipai ana mo te tango whakaahua, i kaha ū ētahi anō ki te kaupapa.

Iwa tekau te tawhiti o te pahikara, ki runga i ngā puke o te rori o Taihape. Ahakoa te roa, he harikoa anō ētahi i te rēhi nei.

Whai muri iho ko te oma rua tekau mā tahi ira tahi kiromita te tawhiti, he oma huri rauna i te ara oma kia  whā ra ano nga huringa. I reira te hunga mātaki ki te tautoko anō ia rātou.

A, ahakoa te tawhiti, marama ana te kite i te harikoa ō te hunga i oti i te rëhi nei.

Ehara tēnei i te mutunga ki ētahi o ngā kaiuru, he ono tekau kaiuru te pikinga ake i o te tau kua hori ake, he whakarua i te tawhiti o Iron Māori.