E hanga pai ana a Tohu Harris ahakoa te whakaritenga mo te Ipu o te Āo

Aroha Treacher

Ko te poumuri tērā o te kapa Melbourne Storm kua wairuatoa i te rirohanga o tōna tūnga i te kapa Ipu Rīki o te Ao, whai muri i te whakatau a te poari rïki o te motu kia whakatahahia te uri o Kahungunu kia wātea tōna tūnga mā Sonny Bill Williams. 

Kua aroha katoa te whānau o Tohu mō tō rātou tama, me te aha, kua whakakorehia tā rātou haere ki te whakataetae āo ka tū ki Ingarangi hei tērā marama. 

Mārakerake te kitea atu ko te kaitakaro Storm ko Tohu Harris, he toki tee taea te karo.

I whai waahi aia ki te rua tekau mā wha o Steve Kearny mo te ipu o te ao, heoi, i whakahekea ia mo Sonny Bill Williams.

He whakaritenga pouri rawa mo Tohu me tona whanau.

I tukuna atu e Williams he whakapaaha ki a Tohu mā runga Pae Tihau. “Ka aroha ki a Tohu mo tenei take, ehara ko tēna taku hiahia, i whai kē au i tā te ngakau, nōreira, me whakapau kaha au ka tika.”

Ko Henare Heke he hoa tata o te whanau, koia hoki tera i whakaako i a Tohu i te tira i raro i ngä tau tekau ma ono o te matau a maui.

Ahakoa, kua taka ā roto te whanau i runga i tenei whakatau, i puta te korero na ngā maatua o Tohu na Paul raua ko Dale ngā mihi mutunga kore mo te manaakitanga kua riro mai mo tā raua tama.

No reira, ka ahu atu ratou ki te po whakanui o te Storm mahue kee te ipu o te ao.