Ngā kaupapa: NRL, Rugby League

E āta wetewete ana ngā tira o te whakataetae takiiwa i ngā ture o te kaupapa

Tamati Tiananga

Ko ngā ture tākaro o whakataetae Takiiwa NRL e āta tirohia ana, ā, kua āta wetewetekia e ngā kapa katoa ki te whakarite rautaki mahere tākaro mo te whakataetae ka timata ki te papa o Erene āpōpō.

Kua āta wetewetehia e te toki Manly a Daly Cherry-Evans i ngā ture o te tākaro nei.

Ko ngā wāhanga matua o nga ture kua āta tirohia e ia kapa, e whai ake nei, ko te ture, he iwa meneti te roa o ia wāhanga, e rua wāhanga ki ia tukinga.

E ono ngā wā ka ahei ai ia kapa te whakawhiti kaitākaro, heoi kia rua noa ngā kaitākaro i te wā kotahi. Hei tā Mitchell Pearce, ko te taha hanga ārai ta te kapa Roosters e tino whai nei.  

He pironga he rima māka, he piro e kia nei ko te Golden try i te wāhanga tāpiri e miharo nei ki ngā kaitākaro, he ture e whakamihia nei e te toki poumua Sharks a Paul Gallen. 

Mo te taha ki te kakari, kia rima nga kaitākaro ki ia kapa hei hanga kakari.