Kaupapa: Waka Ama

E aro atu ana te titiro o te tira Waka Ama wāhine J16 ki Brazil

  • Tāmaki Makaurau

E pukumahi ana te kapa kohine J16 o te karapu Kuki Airani mō te whakataetae waka ama o te ao ka tū ki Rio, Brazil hei te Hereturikoka.

Hei tā Manuka Stirling, "toru marama matou e parakitihi ana mō ngā tauwhainga o te ao ki Rio"

Hei ta te kaiako, hei tā Wayne ko ētahi o ngā whakaharatau kei te moana, ko ētahi o ngā whakaharatau kei te whenua.

Ko tētahi taumahatanga ko te taha pūtea e tāea ai te kapa kōhine nei te hāere ki Brazil whakataetae ai.

Hei tā Kateao Barber-Horne, "nui rawa te tautoko o matou matua me ngā kaiako, mei kore ko rātou mei kore e hāere ki tera taha o te ao."

E mohio ana te kapa, he mea nui ki te pakanga me ngā kapa rangatira o te ao, ahakoa tēnā kei tua i ngā taumata tō rātou titiro.

Ahakoa kua hipa kē te rahi o ngā whakaharatau, me puku mahi tonu e rātou ā ngā wiki e waru e tū mai nei, kātahi ka rere ki Rio.