Kaupapa: Touch Rugby

E aro ana te kuratuarua o Kirkiriroa kia pumau te taitara o te pā whutupaoro

  • Tāmaki Makaurau
  • Waikato/Te Waiariki

Na te pakari o te kura tuarua o Kirikiriroa i te tīmatanga o te whakataetae pā whutupōro i Tamaki Makaurau ko te matapae ka eke rātou ki ngā whiringa toa. A kāre e kore ka tiro atu ngā hoariri ki a rātou.

Kua tino tūraki Te Kura Taitamatānei o Kirkiriroa i a rātou hoariri.

Hei tā te Kaiwhakaako a Mita Graham, “Kei te mōhio mātou i te rangi nei, he taumata anō tō ērā atu o ngā tīma, tō ngā hoariri, me te manako kei te tākaro tonu mātou.”

Ehara i te mea ko ngā kura tuarua o Kings me Rotorua anō hoki kai te aruaru i te taitara.

“I roto i te hāwhe hāora, i te roanga o te kēmu, ki te eke tētahi tīma, kāore e kore kei ngā tīma katoa te pitomata ki te wikitōria i tēnei whakataetae.”

Tekau piro neke atu i a kēmu kua whiwhi ki ngā toa. E whakangungu ana rātou mo ngā wā e rua ia ra ā koira te take o tā rātou angitū.

“Ehara i te mea he kupu, he mea huna, ko te whakapoukaha noa ihoa. He mea ka kitea whānuitia i roto i to mātou kura.”

Ahakoa te pakari, me pakari tonu.

“He maha tonu ngā rautaki, ngā āhutanga o te kēmu me whakatikatika mō te rangi nei, mo āpōpō te tumanako.”

Hei āpōpō timata ka tīmata ngā whiringa toa, ko te matapae ka uru atu rātou ki aua whiringa.