Kaupapa: Basketball

E anga whakamua ana tētahi kaitākaro ō-mua o te kapa Breakers

Taroi Black

Kotahi wiki nō tana wehenga i te kapa Breakers, kei te whakapono te poumua ō-mua a Duanne Bailey, hei te tauhou ka maea ake anō ia ki te pae.

I wehe mai te poumua ō-mua i te karapu whai muri i te putanga ka whakawātea a Corey Webster e te NBA, kia hoki atu ai ki ngā Breakers. 

I whai kirimana a Bailey i tēra tau me tēnei tau.  Ināianei ka whai whakaaro tonu ia mō ngā kirimana ki tāwāhi. 

E tākaro ana ia i tēnei wā mo Southland Sharks, ā, kātahi hoki tōna kaiwhakahāere ka whakamōhio mai, e toru ngā karapu o tāwāhi e hiahia ana ki a ia.