Kaupapa: Waka Ama

E ahu whakamua ana tētahi kapa waka ama nō Taranaki

Rahia Timutimu

Koirā te whāinga matua mā tētahi karapū waka ama nō Taranaki i toa matatū mai i te rāngai hanumi mō ngā kapa nō Aotearoa i te whakataetae Vaka Eiva i tērā tau.

I raro i te maru o Taranaki Maunga ko te karapu hoe o Taranaki Outrigging, tētahi o ngā kapa iti o Aotearoa.

Hei tā Tuuta, “Ehara tēnei i te hākinakina ki a mātou, ko tēnei tā mātou Ao ināianei, ia rā o te raumati ka haramai mātou ki te noho i te taha i te moana, tatari atu mō ētahi tangata e hiahia ana ki te hoe.”

Kotahi tau a ia e tū ana, ā, kāore i te rahi āna moni.  Ko te nuinga o āna taonga hoe i tākohatia e te karapu o Arapuni.

Ahakoa kāre ō rātou taonga hoe, inā ngā hua o te mahi tahi.  I tae rātou ki te whakataetae Vaka Eiva mō te wā tuatahi i tērā tau, ā, ko rātou te mātāmua o ngā kapa o Aotearoa i te wāhanga Hanumi.

He kaihoe hōu ō rātou, tokorua he pākehā, tokorua nō Kānata, ā, tokorua he Māori.  Me uaua ka kitea he kapa pēnei, engari ko te aroha ki te waka ama te taura here.

Hei te wiki e tū mai nei, ka rere atu te kapa.