Kaupapa: Rugby

Chiefs remain the team to beat

Tamati Tiananga
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru

He pakanga ki waenga i a Tāmaki me Waikato i kitea ki te whakataetae Super Rugby, i haere ngā Blues ki Waikato ki te tākaro ki te kapa Chiefs kei te tihi o te tēpu whakataetae, ko Blues kei raro e putu ana, heoi, he pakanga ki te mutunga ki waenga i ngā kapa e rua nei.

Ko te kapa Chiefs tēra i riwha i te tuatahi ki mua i te haukainga

Heoi ka raka ngā Chiefs, ka raka hoki ngā Blues me tēnei kiki hāmene.

Heoi, piro atu piro mai te kapa Chiefs, ko tā rātou piro tuarua o te tukinga.

A, he uaua mā ngā Blues te wāwāhi i te taha ārai a Chiefs, kia arahi i te wehengaruatanga, he tekau piro ki te ono i te wehenga rua.

Ko te āhua nei he kapa hou i uru waewae tapu mai nō Tāmaki, he piro i whai ia Melani Nanai.

Ka mutu, he whā meneti whai muri iho, ko te uri Māori tēra a Rieko Ioane i kake i tana tira ki mua.

Heoi, kāore i roa te wā o tā rātou ihu ki mua.

I ia kapa te tūpono ki te wikitōria, heoi ko te kapa kei te tihi o te tēpu whakataetae tēra, a Chiefs, i whakaatu te take ko rātou te kapa toa o te wā.

I whai te piro whakamutunga kia wikitōria, he rua tekau mā iwa ki te rua tekau mā toru ngā tatauranga whakamutunga.