Kaupapa: Rugby

British & Irish Lions punish Māori ABs in Rotorua

Pū mai ana ko te kapa Raiona i tō rātou tukinga ki ngā Ōpango Māori ki Rotorua ināpō. Ka wikitōria ngā manuhiri e toru tekau ma rua ki te tekau.

Tewhatewha ana te kōkiri a te kapa Māori ki te mura o te ahi. 

Heoi ka pararā mai ngā Raiona i ngā whana whiu e rua a Leigh Halfpenny, ka eke tuatahi ki te papa tātai. 

Tekau ma tahi mēneti ka hipa, ka whai āputa tuatahi ngā Māori. Waimarie ana rātou i te waewae koi o Nehe Milner Skudder, ā ka whakatau ko Liam Mesaam. Ka kīnaki ake te uri o Ngāti Tūwharetoa a Damien McKenzie. 

Ka pakaru ake ko Johnathan Davis heoi ka aukati i a Tawera Kerr-Barlow. Ka hoki mai anō ngā Raiona i te whana whiu. 

Haere ana te wā, nā tētahi puringa pōro ka eke anō ngā Māori. Engari nā ngā hapa tonu rātou ka raru ai. Tekau ki te tekau ma rua i te wehenga rua.

Ā, kāore i hē kātahi ka hē ke rawa ma ngā Māori i te hokitanga mai. 

Ka whai piro tuarua ko Maro Itoje, ka kīnaki ko Halfpenny.

Nā ngā hapa tonu a Raiona i eke panuku ai. I raro kē ngā Māori e putu ana, kaore mō te aha i ngā mēneti whakamutunga.