Kaupapa: Rugby

Benji Marshall - Uiui Roa

E tata ana ki te kotahi marama ināianei te whetū hākinakina a Benji Marshall e noho mai ana ki Aotearoa, kua noho tahi ia ki tōnā whānau i Whakatāne, ā, kua rarau ki Tāmaki Makaurau. Ahakoa e hararei tonu ana tēnei uri o Ngāi Tūhoe, kei te whakaaro tonu ia mō te whutupōro me ngā whakaharatau tōmua e kainamu mai nei.

I noho tahi tā mātou karere ko Rewa Harriman ki te kōrero ki a Benji Marshall mo tōna hokinga mai ki te kainga whai muri i ngā tau tekau ma whā ki Ahitereiria.

Ahakoa e arotahi ana a Benji ki te whakataetae Super 15 me te kapa Blues, hei muri ake pea ko te takaro takiwhitu, a he hiahia hoki nōnā kia takaro ma te tira Ōpango Māori me nga Ōpango.

Anei te katoa o te uiui ki wāenga i a Rewa Harriman rāua ko Benji Marshall e whakamārama mai āna i tōna pakihi kākahu, ōna wawata, me ngā wero nui kei mua i a ia.