Auckland prepares for its first IronMāori

  • Tāmaki Makaurau

Kua tau mai tātou ki tēra wahanga o te tau e karahui ai te iwi Māori e mau raikara ana, ki te  whakataetae atu ki roto i te Iron Māori. Ka tū te whakataetae nei ki Tāmaki Makaurau mo te wā tuatahi, ā, he wāhanga hou anō hoki mo ngā tamariki me ngā rangatahi.

He hau anake te rangona ki Umupuia, heoi kaore e roa ka kīkī rawa ngā tiriti nei i ngā tamariki me ngā pakeke neke atu i te toru rau, e whakataetae ana ki roto i te Iron Māori. 

Hei tā tetahi  o ngā kaihakinakina a Kerri Blackmore, “For the rangatahi they will swim just 300 metres. From there we will have cyclists going out. Our rangatahi will have a 10k ride out toward clevedon they get to a 5 k mark and turn around. And then we come and there will be a 3k run.”

I tēnei tau kua akiaki anō hoki a Kerri Blackmore, tautōhito Iron Māori, i ngā kura o Tāmaki ki te whakataetae nei. Ko tētahi o aua kura ko Te Wharekura o Hoani Waititi. Tekau ma tahi o ngā tauira ka uru mo te wā tuatahi, a kua whakangūngū rātou mo ngā marama e rua. 

“Ko tā mātou he whakamanatia he whakakanohi i te mana o Hoani Waititi Marae, te hapori whanui me tatou te hunga rangatahi,” hei tā Lionel Tepania.

E ai ki a Tania Mahuru -Stanley, kaiako hākina o te kura, he akoranga pai mā ngā tauira nei ki te ako e pā ana ki te whakapakari tinana, ngā kai hauora, anō nei ki te ako e pā ana ki te taiao, “He nui nga kaupapa i mua i a ratou i tua atu i te whakapakari i te tinana. Ko te mea pai ko te tatai hono ki te taiao, ana ko tangaroa tera, ko papatuanuku tera, ko tane mahuta tera. no reira he kaupapa rangatira ma enei tauira ki te wheako.”

E manako ana ēnei rangatahi ka kitea te tokomaha ake o ngā tangata hei tera tau.

Hei tā Tepania, te taea ngā tauira ki te mahi I eni mahi, “Tuatahi e heke i te turu, whawetongia te pouaka, hau mai ki Maraetai mahia te mahi.”