Kaupapa: Rugby

All Blacks beat pumas in Buenos Aires

  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu
  • Ahitereiria

He ekenga panuku anō mō ngā toawhakaihuwaka o te ao, mō ngā Ōpango, i te ata tonu nei whakaheke rātou i ngā Pumas o Āketina i te rauna tuarima o ngā whakataetae whutupōro ki Buenos Aires, toru tekau ma iwa ki te tekau ma whitu. I whai wā anō hoki te uri Māori a Damian McKenzie ki te whīra mō te wā tuatahi.

He whana hāmene ki ngā Ōpango, ka whai i ngā piro tuatahi i te papa tātai.

He kēmu riwai wera mō te roanga atu, ka hiki ake ngā taha e rua i a rāua pūkenga karo.

Ka pakaru mai te riri i ngā mēneti rua tekau ma rima. Ka kimikimi tonu ngā Ōpango kia whai i tō rātou piro tuatahi. I te mutunga iho ko Lennett Brown i tutuki.

Ka waimarie ngā Pumas i tētahi whana hāmene i mua i te wehenga rua.

Heoi i kaha tonu te hoki mai a ngā Ōpango, ka whakawhiti a Ryan Crotty i te rārangi piro kia whakaū a Beauden Barrett.

E rua mēneti e toe ana, heoi kaore i mutu i reira a hautoa mō ngā Ōpango ka eke panuku tonu i mua i te wehenga rua kia riro i ngā piro e rua. Rua tekau ma iwa ki te toru.

E wiriwiri tonu ana ngā ringa a ngā Ōpango i te wāhanga tuarua, ka piro anō a Lennett Brown. Ā, ka puta mai a Damian McKenzie mō te wā tuatahi i te tīhate pango.

He whiunga ki a Joe Moody mō tētahi meke, ā ka whai piro tuatahi a Āketina i ngā mēneti rima tekau ma ono.

Ā, mō te roanga atu he whawhai ururoa ma Āketina ki te whakawhiti i te rārangi piro, heoi hei ngā mēneti whakamutunga ka ea i a Joaquin Tuculet i te piro.

I te mutunga kaore he nawhe kia mau i te kapa toa o te ao, toru tekau ma ono ki te tekau ma whitu ngā tatau whakamutunga.

Tuaritia: