Kaupapa: Cricket

Ahu atu ai te kapa kirikiti Māori ki ngā Kuki Airani

Te Kāea
  • Te Tai Tokerau

Hei tēnei marama rere atu ai te kapa kirikiti Māori o Te Tai Whakararo ki ngā Kuki Airini mō tētahi huinga tākaro kotahi wiki, he tuatahitanga tēnei mō tētahi kapa kirikiti Māori.

E whitu ngā tukingā 'rua tekau, rua tekau' ka takarohia e te kapa Māori nei i tēnei haerenga, ka tuki atu rātou ki te kapa matua o ngā Kuki Airini, a, hei āwhina i te kirikiti i reira, ka tākaro hoki ki tō rātou kapa wahine.

Otira he haerenga whakapakari i ngā mahuta tōtara o te ao kirikiti Māori mō ngā ra kei tua.

Kāore e whai wahi ngā whetū maiangi o te rohe ki tēnei kapa, pērā i a Trent Boult rāua ko Tamati Clarke, nā ngā mahi kē atu, engari hei tēnei kapa ka momoho tonu rātou.

Hei te rua tekau ma tahi o Mahuru wehe atu ai te kapa nei ki Rarotonga.