Ahakoa tōna whara kino ka whakataetae tonu tētahi kaitākaro whakarae

Aroha Treacher

I kōrero motuhake mai a Kara Webb, tētahi hautupua korirau o te ao mō tōna haringa atu i te mura o te ahi mā runga kauamo ki ngā whakataetae Korirau o te ao.

Ā, ko ōna whakaaro anō hoki mō te hunga pīkoko o Aotearoa ki tēnei hākinakina.

Ko Kara Webb tētahi o ngā wāhine tino rongonui i te ao CrossFit, e whā ngā tau karapīpiti kua whai wāhi atu ia ki te whakataetae nui i Amerika.

Nā te pāwerawera o te tinana i te mahinga e kīa nei ko Murph, koinei te tau uaua rawa atu mōna. Ahakoa i kawea atu ia ki runga kauamo, i werohia hoki ia ki te rongoa, i mahia tonu te mahi.

Kei te kite tonu te taera o Aotearoa ki roto i ngā mahi CrossFit ahakoa kei Ahitereiria ia e noho ana.

O ngā wāhine katoa, i oti tuarima ia i te rārangi toa o te ao i tēnei tau. Hei ko tāna, kua nui ake tōnā manawanui ki te kēmu mo te tau hou i ngā wheako i rangona e ia ki te whakataetae nei.