Ahakoa te pakeke kāre he raru tēra mo tētahi kaiwhakataetae CrossFit

Aroha Treacher

Ko te pakeketanga o te tangata he nama noa iho ki a Garry Jones, ahakoa kua ono tekau mā rua ōna tau, kua whai waahi tonu ia ki te whakataetae CrossFit nui i Amerika mō te wā tuatoru i te wāhanga a ngā pākeke.

He taumata whakataetae tēnei ka ekea e ngā toki CrossFit o te ao.

He āhua rerekē a Garry Jones ki ētahi atu koroua tāne.

He toki ia e kaha whakapakari ana i tōna tinana, ā, ka tāea e ia ētahi mahi e kore e taea e te nuinga o ngā taiohi.

Otira, kua whai urunga ia ki te whakataetae CrossFit nui i Amerika mō te wā tuatoru.

I taua whakataetae i oti tuatoru mai ia i te tau rua mano tekau mā rua, i oti tuarua mai ia i te tau rua mano tekau mā toru, nā reira, ko te mētara koura pea te whai ināianei?

Hei tā Garry e hīkaka katoa ana ia nā tōna ekenga ki taua taumata, kihai i a i tino whakapono ka tāea e ia.

E rua tekau mā rua a ia i te Ope Tauā, e tekau mā iwa o aua tau i tū ia hei mema o te ope rangatira o SAS.

Hei te rua tekau mā tahi o Hōngongoi ka whakataetae ia i Carson City California mō ngā rā e toru, hei reira ka whakamātautauhia tōna nakawhiti, kia kite ai ko wai ngā tāne ko wai ngā tama.