Agassi i Tāmaki Makaurau

He wawata nui whakaharahara i ea mā ngā tini kaimanako o Andre Agassi, ko te tūtaki atu ki te tuatangata tēnehi nei, i tana waitohutanga pukapuka i Tāmaki Makaurau.

Kei Aotearoa a Agassi mō te wā poto noa hei whakatairanga i tana pukapuka 'Open', ā, i miharo pai āna kaiwhaiwhai i whanga roa atu i a ia, nōnapō rā ētahi ka nohopuni atu kia whakapā atu ki a ia.

I tūtaki hoki tā mātou ake whetū o te ao tēnehi, a Rewa Harriman, i a Agassi me te hunga waimarie nei.