2013 Te Whakataetae Poirewa One ki Te Raki Paewhenua

  • Tāmaki Makaurau

Ahakoa i heke mai  te tararere inanahi nei.  Kāore ngā kaitākaro i paku āwangawanga.  Ko tētahi o aua kaitākaro, ko Melissa Ruru (Tūhoe).

Nō tōna kōhungahungatanga tōna kawenga i te tākaro poirewa i tīmata ai.

Ki te wāhanga mō ngā tāne, ko te kapa o Tame Malcome i pakanga atu ki ngā waewae tapu o Amerika, ki a Will Montgomery rāua ko Tri Bourne.  He kēmu whakarikarika mō ngā taha e 2.

Engari i te mutunga iho, tē taea te kapa o Aotearoa te eke ki ngā whiringa whāiti.

Engari ko te kēmu whakahirahira o te rā kei waenganui i te kapa o Paora Morunga (Ngāi Te Rangi/Tūhoe) rāua ko Griffin Muller, e pakanga atu ana ki a Tom Hartles rāua ko Jesse Hawkins.

I te tau 2010, i wikitoria ai a Paora i te whakataetae poirewa mō ngā kura tuarua i te kura tuarua o Trident ki Whakatāne, nā whai anō tāna angitū ki tēnei o ngā tākaro.

I te mutunga iho i whai tūranga tōna kapa ki ngā whiringa whāiti, me te aha e hiahia ana a Paora ki te piki i ngā tāhūhū teitei o te ao poirewa.

Kairīpoata:  Wepiha Te Kanawa