Kaupapa: Rugby

2013 Ngā Tohu Tākaro Whutupōro o Aotearoa

Tekau ma rua ngā uri Māori e whai hāere ana i ngā tohu tekau ma toru i tēnei po.

A ko Liam Messam no Ngāi Tuhoe e whiriwhiria ana ki ngā tohu e toru, ara ko te kaitakaro Super15 o te tau, te kaitakaro Māori o te tau me te kaitakaro o Aotearoa o te tau.

Ka mutu, ko te takaro takiwhitu te wahanga e kitea ana i ngā kaitakaro Māori, ara ko Kurt Baker raua ko Gillies Kaka i tohua mo te kaitakaro takiwhitu tane o te tau, a ko Kayla McAlistair raua ko Portia Woodman i te taha o ngā takiwhitu wahine.

A no Te Kāea te waimarie i whai wāhi atu ki a Portia i tēnei wiki, kia korero atu ai mo tana tau tuatahi hei kaitakaro whutuporo.

E mohiotia whanuitia ana mō ona waewae tere me tana tepe kotaha, a he tau miharo tēnei ōna i te taha o ōna tuakana takiwhitu.

Otira, e ngākau whakapuke ana a Woodman kua whiriwhiria a ia ki te tohu kaitakaro takiwhitu wahine o Aotearoa i tēnei tau

“E miharo ana, kia whakamihia āku mahi i tēnei tau, i tutuki mei kore ake aku hoa takaro.”

I eke panuku te kapa takiwhitu wahine o Aoteroa i te ipu o te ao i tu i Moscow i tēnei tau, a ko Portia te tino kaiwhiwhi piro o te whakataetae.

I a ia e puku mahi ana i te papatakaro takiwhitu, i piri ia ki te kapa Mamaku engari hei tana, kei te takaro takiwhitu kē tona ngakau.

Ahakoa te manako ōna kia tohua i tēnei po, he tau tēnei e kore e wareware.