He mana nui ta te tira Takiwhitu o Aotearoa

Wikitōria Day
  • Ahitereiria

He pakari rawa te tākaro a Ahitereiria i te timatatanga mai o te kēmu nei. E rua miniti noa iho ka hipa ka whiwhi rātau i tā rātau piro tuatahi.

Mārama ana te kite, ko Ahitereira tērā i tū kaha ake i a Aotearoa. Hoki atu, hoki atu ko rātau te kapa i whakawhiti i te rārangi piro.

Rua tekau mā tahi ki te kore ngā tatauranga i mua tata mai i te wāhanga tuatahi, engari, ka taka te wā, ka panoni te āhua o te kēmu.

I waimarie a Aotearoa i ngā mahi kauanuanu a Ben Lam. I riro i a ia te piro tuatahi mā Aotearoa, ā, koinā hoki tana piro tuawhitu o te whakataetae nei.

Nā ngā waewae hohoro o Scott Curry i whai hua anō ai a Aotearoa. Ā, ko te uri o Ngāti Kahungungu a Gillies Kākā tērā i tīrama mai. E rua ngā pironga i whakawhiwhia ki a ia.

I te otinga atu, ko Aotearoa kē i toa, toru tekau mā toru ki te rima tekau mā rua. 

Koinei te wā tuarima kua kapohia ake e rātau te taitara toa o tēnei whakataetae. Hōi, e anga atu ana te titiro ki ngā taumāhekeheke hoa whenua ka tū ki Glasgow a te Hongongoi.

Hei te Rāapa e kainamu ana tau mai anō rātau ki te wā kāinga.