E kaikā ana te kapa NZ AFL mō te tukinga ki ngā Boomerangs

Wikitōria Day
  • Te Tai Rāwhiti
  • Ahitereiria

Ka pōhēhē te tangata he tāne pakeke ēnei, engari he tekau mā ono tau heke iho noa iho te pakeke o ēnei kaitākaro AFL.

Ko te uri o Ngāpuhi ko Te Kopa Tīpene Thomas, rāua ko Te Rei Clark nō Ngāti Wai ngā kaitākaro Māori kua whai wāhi atu ki te kapa New Zealand Hawkes, ā, arā noa atu ngā pūkenga kua whāngaihia ki a rāua, mai i te wā i kōwhirihia rāua.

Hei tā Clark, “He rerekē te hākinakina nei. He rawe ki a au ngā pūkenga, me te aha, he hanumitanga o ngā hākinakina huhua pai ki a au.”

Ahakoa kāore anō kia horapa haere tēnei hākinakina ki ngā whaitua katoa o Aotearoa, kua noho mai te kēmu AFL hei tuāpapa mō ngā mahi hākinakina katoa a Tīpene-Thomas.

Nā te hākinakina nei kua whai wā hoki au ki te whai i ngā mahi kaihautū, ki te whakāko hoki i ngā pūkenga AFL, nō reira, he pai.

E kaikā ana ngā ngākau o te tokorua nei ki te tākaro i ngā kēmu e kainamu mai ana, me te aha, he āwhero hoki ō rāua mō te wā tītoki.

Hei te rua karaka i te ahiahi āpōpō tū ai tā rātou kēmu tuatahi ki Hutt Park, ki Pōneke, ā hei te Rāhoroi nei pakanga atu anō ai rātau ki te tira Flying Boomerangs a te poutūmārotanga o te rā.